Adeel's Blogs

dil dharaknay ka sabab yaad aaya
wo teri yaad thi ab yaad aaya

aaj mushkil tha sambhalna aye dost
tu musibat main ajab yaad aaya

din guzra tha bari mushkil se
phir tera wada_e_shab yaad aaya

tera bhola howa paimaan_e_wafa
mar rahaingay agar ab yaad aaya

phir kai loug nazar se guzray
phir koi shaher_e_tarb yaad aaya

haal_e_dil hum bhi sunatay lekin
jab wo ruhksat howa tab yaad aaya

baith kar saya_e_gul main ADeeL
hum bohot roye wo jab yaad aaya

Ajeeb larka hoon khud ko jalana chahta hoon
Main khud ko rakh kar key kahin bhool jana chahta hoon

Mere naseeb ki khushiyan bhi kab mili mujh ko
Bas ab to umer bhar aansoo bhahana chahta hoon

Najane kitni Mohabbat hai ranj-o-gham se mujhe
Koi bhi dard ho dil main chupana chahta hoon

Baha baha key ye aansoo bikher chuka hoon bahot
Simat key zaat main ab muskurana chahta hoon

Jise ek umer dil main chupa key rakha hai
Wo raaz aaj main sab ko batana chahta hoon

Wahee hai yaad jo acha kaha hai logon ne
Baqi sarey sitam bhool jana chahta hoon

Mujhe zamane ne pather samaj liya hai
Main ek larka hoon sab ko batana chahta hoon

Jo mujse rooth chuki hain zamane ki khushiyan
To main bhi un khushiyon se rooth jana chahta hoon

Tu apne Dil ka her ek darwaza ko khool de
Main dard ban ker tere dil main aana chahta hoon.

Piyar Ke Deep Jalanay Walay Kuch Kuch Pagal Hotay Hain
Apni Jaan Se Janay Walay Kuch Kuch Pagal Hotay Hain

Hijer ke Gehray Zakhm Millay Tu Mujh Ko Ye Ehsaas Hua
Pagal Ko Samjhanay Walay Kuch Kuch Pagal Hotay Hain

Jaan Se Piyaray Logon Se Kuch Kuch Perdah Lazim Hay
Saari Baat Batanay Walay Kuch Kuch Pagal Hotay Hain

Khowabaon Mainbhi Pya Milan Ke Sapnay Dekhtay Rehtay Hain
Neendon Main Muskanay Walay Kuch Kuch Pagal Hotay Hain

Iss Jhooti Nagri Main Hum Ne Yehi Haiamsha Dekha Hay
Suchi Baat Batanay WalayKuch Kuch Pagal Hotay Hain

Piyar Jinhain Ho Jai Un Ko Chain Bhala Kab Mil Pata Hay?
Shub Bhar Ashk Bahanay Walay Kuch Kuch Pagal Hotay Hain

Apni Zaat Ke Ujray Gulshan Se Wo Piyar Kahan Kertay Hain ?
Aoron Ko Mehkanay Walay Kuch Kuch Pagal Hotay Hain

Uss Ke Ishq Main Bheeg Ke WASIQ Hum Ko Ye Ehsas Hua
Dil Baat Main Anay Walay Kuch Kuch Pagal Hotay Hain

Sabhi Jazbaat Khayaalat Badal Jaate' HaiN
YuuN Mohabat MaiN Ye Din Raat Badal Jaate' HaiN

Pyaar To unko Bhi Ham Se hai Magar Jaane' KyuN
Ham KaraiN Baat To Wo Baat Badal Jaate' HaiN

Aarzuu To Hai Ke Izhaar-e-Mohabbat Kar DooN
Laf'z Chunta HooN To Lamhaat Badal Jaate' HaiN

Kitni Nafrat Thi Kabhi Pehle' Mohabbat Se HamaiN
Ho Mohabbat To Khayaalat Badal Jaate' HaiN

Aik Sa Waq't Mohabbat maiN KahaaN Rehta Hai
Gardish-e-Waq't Se Haalaat Badal Jaate' HaiN