Blogs

Aji8apnay
kaha tha kis ne ke
Posted April 20, 2010 by Aji8apnay

kaha tha kis ne ke ahad-e-vafa karo us se
jo yon kiya hai to phir kyon gila karo us se

ye ahl-e-baz tunak hausala sahi phir bhi
zara fasana-e-dil ibtida karo us se

ye kya ke tum hi gam-e-hijr ke fasane kaho
kabhi to us ke bahane suna karo us se

nasib phir koi taqrib-e-qarb ho ke na ho
jo dil main hon vahi batain kiya karo us se

'Faraz' tark-e-ta'alluq to khair kya hoga
yahi bahut hai ke kam kam mila karo us se

Aji8apnay
Jo log
Posted April 20, 2010 by Aji8apnay

Jo log jaan buujh ke naadaan ban gaye
meraa Khayaal hai ki vo insaan ban gaye

ham hashr main gaye magar kuchh na puuchhiye
vo jaan buujh kar vahaan anjaan ban gaye

hansate hain ham ko dekh ke arbaab-e-aagahii
ham aap kii mizaaj kii pahachaan ban gaye

majh_dhaar tak pahunchanaa to himmat kii baat thii
saahil ke aas paas hii tuufaan ban gaye

insaaniyat kii baat to itanii hai shaiKh jii
bad_qismatii se aap bhii insaan ban gaye

kaanTe bahut the daaman-e-fitarat men ai Adam
kuchh phuul aur kuchh mere armaan ban gaye

Aji8apnay
chalne kaa hauslaa nahiiN
Posted April 20, 2010 by Aji8apnay

chalne kaa hauslaa nahiiN ruknaa muhaal kar diyaa
ishq ke is safar ne to mujhko nidhaal kar diyaa

milte hue diloN ke biich aur thaa faislaa koi
usne magar bichhaRte vaqt aur savaal kar diyaa

ae merii gul-zamiiN tujhe chaah thii ek kitaab kii
ahl-e-kitaab ne magar kyaa teraa haal kar diyaa

ab ke havaa ke saath hai daaman-e-yaar muntazir
baanu-e-shab ke haath meN rakhnaa sambhaal kar diyaa

mumkinaa faisloN meN ek hijr kaa faislaa bhii thaa
hamne to ek baat kii usne kamaal kar diyaa

mere laboN meN muhr thii par mere shiisha-ruu ne to
shah’r ke shah’r ko meraa vaaqif-e-haal kar diyaa

chehraa-o-naam ek saath aaj na yaad aa sake
vaqt ne kis shabiih ko Khvaab-o-Khyaal kar diyaa

muddatoN baad usne aaj mujhse koi gilaa kiyaa
mansab-e-dilbarii pe kyaa mujhko bahaal kar diyaa

Aji8apnay

Ussay roktay bhi to kis liye.......???



Woh shehr-e-dil jo ujjar gaya !



Woh jo khawab tha ,

woh bikhar gaya !



Kabhi mausamon ki nazar lagi !



Kabhi wehamon nay dara diya !



Kabhi manzilon k saraab nay !



Kabhi zindagi ki kitaab say.....



hamain jis nay chaha mita diya!



Bas......!

Issi liye,





Woh jo ja raha tha duur tak !



Ussay dekhtay hi rahay magar !



Nahi di sada ......................



" Ussay roktay bhi to kis liye " ? ? ? ?

Aji8apnay
Na sawal ban k mila karo
Posted April 19, 2010 by Aji8apnay

Na sawal ban k mila karo na jawab ban k mila karo

meri zndgi merey khaab hain muje khaab ban k mila karo
muje achey log boht miley main to un k qarz se bhar gya

jo ho sakey to kabhi kabhi to kharab ban k mila karo

Displaying 16 to 20 of 668